Бишкек ШИИБ жетекчилигинен Азамат Ногойбаев кетпесе абал жакшырбайт!
Биринчи Май РИИБнин тергөөчү, оперлери тоого чыгышып, мушташып тарашыптыр. Учурда коллективде атмосфера бузулганын, акыбал начар экенин кабарлашты. Ленин, Свердлов РИИБлеринде да ички маанай жакшы эмес. Буга чейин өздүк курамдагылар ар кандай кылмыштарга шектелишкен. Бир канчасы камакта отурушат. Коомчулуктун кулагы деле көнүп бүттү. Ал эми Октябрь РИИБнин 25 кызматкерине прокуратура тарабынан кылмыш иштери козголуп атканы кандай? Эски-жаңысы аралашпы? Кыскасы, соңку убакта башкалаадагы жалпы абал өтө начар. Милиция үлгү болгондун ордуна беттери сыйрылып атса кантебиз? Бишкек ШИИБ начальниги Азамат Ногойбаев сүткө тойгон күчүктөй болуп уктап жата береби? Мындай шартта коомдук-коопсуздук абал, тартип маселеси каралбай калат да, туурабы? Кетпесе кырдаал чыңалат...
"Азия Ньюс" гезити
