Акыркы кабарлар
» Саясат » Зеленский алдыдагы жума оор болорун эскертти
Зеленский алдыдагы жума оор болорун эскертти
11-апрель, 17:29

Украинанын президенти Владимир Зеленский 11-апрелге караган түнү жасаган видеокайрылуусунда ушул апта орус армиясынын өлкө чыгышындагы ири аскердик чабуулдарга байланыштуу оор болорун эскертти.
"Бирок биз дагы даярданып жатабыз. Биз жооп беребиз!" деди Зеленский. Ал Россияга каршы дагы катаал санкцияларды киргизүүгө чакыра берерин кошумчалады.
Россиянын күчтөрү Украинанын чыгышындагы аймактарды аткылоону улантып жатат. Украин армиясы айрым чабуулдарга жооп кайтарып, орус танктарын, артиллериялык техникасын жок кылды. Бул тууралуу 11-апрелде Британиянын коргоо министрлиги билдирди.
Маалыматка караганда, Россиянын күчтөрү курчоодогу Мариупол шаарынын тегерегиндеги чабуулдарды күчөттү. Буга чейин Россия өз аскерлерин Киевдин айланасынан чыгарып кеткен.