Жаңычыл көз караштагы саясатчы Жеңиш Молдокматов олуттуу күрөшкө аттанды
Түрмөдө 10 ай татыктуу отуруп чыккан Жеңиш Молдокматовдун рейтинги көтөрүлгөнү, белдүү саясатчыга айланганы ырас. Оор сыноону жеңип, бекемдигин далилдеп, башкалардан өзгөчө бейнесин ачыктай алды. Учурда Жеңиш мырза радикалдуу топторго кошулбай, ошол эле кезде бийликке конструктивдүү сын-пикирин айтып, коомчулуктун чордонунда болууда. Убактысынын негизги бөлүгүн “Туран” партиясын чыңдоого арнап, эл аралык деңгээлдеги саясый уюм катары таанытууга, катарына таза адамдарды кошууга киришип, активдүүлүгүн арбыта баштады. Мындан сырткары, бийликтин жүргүзүп аткан саясатына анализ жасап, экономикалык долбоорлорго кылдат иликтөө кылып, айтор, өкмөттүн ар бир кадамына саресеп салып атканы да жашыруун эмес. Олуттуу, жаңычыл көз караштагы узак күрөшкө аттанганы байкалды.
"Азия Ньюс" гезити
