Руслан Жакышов аттуу чоң кошоматчы пайда болду. Уят!
Көлөмдүү киши кошомат кылса көзгө комсоо көрүнөт экен. “Татыктуулардын татыктуусусуз. Татыктуу иштейт деп ишенем. Бир эле суранычым бар, эми Бакыт Эргешовичке суроолорду бербей эле добушка өтсөк. Бул киши суроолордун үтүр, точкасына чейин билет. Бул киши билгендей айыл чарбасын, мыйзамды анча-мынча жетекчилер билбейт. Макул десеңиздер, добушка коюп, Бакыт Эргешовичти узатып койсок...” деп каргылданган үнү менен депутат Руслан Жакышов вице-премьер-министр Бакыт Төрөбаевге жагалданды. Мынчалык жагымпоздонуп, пастыкка түшпөсө деле дайындалмак. Өкүнүчтүү жагы, ушундай бийик трибунадан кошомат кылуунун жогорку үлгүсүн көрсөтүп, коомчулукту бузууга, терс таасир көрсөтүү менен жаман жолго түшүп алды. Келечек муун кимдерден үлгү алат?
"Азия Ньюс" гезити
