Садыр Жапаровду каралоого алышып, рейтингин огобетер көтөрүп атышат
Бишкек шаарынын Ала Тоо аянтында 2-март күнү Садыр Жапаровду колдоо митинги өтөрү кабарланган. (Тарапташтары түшкү саат 12.00дөн кечки 22.00гө чейин чогулушат.) Бул боюнча коомчулуктун колдоосу болуп атканынан кабарыбыз бар. Бирок, бийликтин пиарщиктери соцтармактардан Садыр Жапаровду фейктер аркылуу каралоого алышып, кырдаалды огобетер ырбатууга баратышканы кандай? Мындайда мыйзамдуу митингдин өтүшүнө шарт түзүп, алардын талаптарын угуп, “бөйрөктөн шыйрак чыгарбай” турушса болбойбу? Канчалык Садыр Жапаровго атака кылышкан сайын, анын рейтинги көтөрүлүүдө. Себеби, элибиз жабыр тартып турган адамга жан тартат эмеспи. Андан көрө саясый туткунду абактан чыгарып койсо, бийлик упай алмак. Качан биз эски адаттардан арылып, алдыга кадам таштайбыз?..
Aryba.kg