Сарпашевди экинчи ирет камап, Ташиев “көмүскө бизнести” талкалады
2010-жылдан бери Тайырбек Сарпашев “көмүскө бизнестин” көркүн чыгарып, кыйла байып, мамлекетке ири зыяндарды жасап келгени талкууга алынчу. Кен байлыктарына, жерге, күйүүчү майларды сатууга ж.б. кызаргандын баарына ээлик кылганычы? Атайын кызмат али көп маалыматтарды чыгара элек. Бирок, Сарпашевди экинчи ирет камап, Ташиев тоңгон музду жарып, чечкиндүүлүк жасады. Негизи өлкөдөгү буга окшогон тымызын мите курттай ырыскыбызды соргон чиновник-саясатчылар арбын. Бу саам Сарпашевге кезек келип, анын мыйзамсыз жасаган миллиондору ачыкталууга, башкалар да сабак алууга жол салынса. Кайрадан эле “көшөгө артындагы көпөстөр” коррупциялык схемага отуруп алышпайбы? Ушул жагынан күмөн саноолор бар. Негизи Камчыбек Ташиев жалгыз болуп, башка орган башчылары коркоктук кылышып, кайдыгер болуп жатышкандай...
"Азия Ньюс" гезити
