Кафенин майланышкан кызматкери Дастан Дюшекеев элчи катары мүдүрүлдү
Казакстандагы элчи Дастан Дюшекев тийешелүү милдетин жетиштүү деңгээлде аткара албай, кыргыз жарандарын коргоодо кашаңдык кылып, нааразычылыктар кескин түрдө көбөйдү. Соцтармактарда да сын-пикирлер курчуду. ТИМ, президенттин администрациясы элчинин ишмердигин талдоого алып, калыс баалашы керек. Коңшу өлкөдө кооптуу кырдаал жаралган учурда биздин жарандарыбыз кордукка кабылышса, укуктары корголбой, кимге арыз-муңдарын айтышарын билишпесе, абал чатак го? Эмне үчүн мындай көрүнүш орун алды? Мамлекетчил, профессионал кадр болбогону үчүн аксадык. Себеби бар, Дастан Дюшекеев кафеде администратор катары майланышып жүрүп эле мамлекеттик кызматтарга секирик жасап, дипломат катары чыга келди. Кайдагы тажрыйбаны айтасыңар? Элчи катары бойдок барып, анан үйлөнүп атпайбы. Али токтоло элек, турмуштук тажрыйбасы да аз. Эми ушундай кадр коңшу өлкөдөгү 100 миң мигранттыбызды ойломок беле?
"Азия Ньюс" гезити