Диплом чырынан улам БШК Рыскелди Момбековду жарыштан четтетти
Борбордук шайлоо комиссиясы парламенттик шайлоого "Социал-демократтар" партиясы менен катышып жаткан Рыскелди Момбековду жарыштан четтетти.
БШКнын жумушчу тобу талапкер дипломун мыйзамдуу жол менен алганын далилдей албаганына байланыштуу аны каттоодон чыгарууну сунуштады. Натыйжада БШКнын 10 мүчөсүнүн макулдугу менен Момбеков шайлоого катышуу укугунан ажыратылды.
Белгилей кетсек, УКМК БШКга Рыскелди Момбеков Кыргыз улуттук университетинде юриспруденция адистигин окуганы тууралуу дипломун мыйзамсыз алганын кабарлаган. Ал документтин негизинде Дипломатиялык академиядан эл аралык мамилелер адистигин сырттан окуп, экинчи дипломун алган.
Шайлоо мыйзамынын жаңы эрежесине ылайык, жогорку билими жок жарандар парламенттик шайлоого катыша албайт. Момбеков талапкер катары катталып жатканда Дипакадемиядан алган дипломун көрсөткөн.
"Азия Ньюс" гезити