Таянганы күчтүү Болот Купешов турист болуп, кураторлорун тоготпой калганда
Билим берүү жана илим министри Болот Купешов эки жумадан бери аймактарды кыдырып жүрүптүр. Эмне максат менен айланып жүргөнү деле белгисиз. Мектептерге барып мугалимдер менен учурашып, бирок, алты айдан бери чеке жылытарлык иши болбогондуктан, куру кол конокко келген кишидей болуп, “айлык көбөйөт” деп айта албай, жаркын өзгөрүүлөр болору боюнча ишендирүүгө тили барбай, же “окуучулардын китеп маселесин чечем” деп айта албай, ал-жай, ден соолук сурагандан башкага жарабай, мугалимдер болсо тирүү министрди биринчи көргөндөрүнө сүйүнүп, суроолор менен министрдин башын оорутпай, колдорунан келген сыйын көрсөтүп узатып жатышкан экен. Билим берүүнүн, илимдин көйгөйлөрү чачтан көп болуп жатканда министр Болот Купешов бейкапар турист болуп жер кыдырып жүргөнүнө жол болсун.
Таянганы күчтүү Болот Купешов Акүй, Көкүйдөгү кураторлорун тоготпой, алар менен эсептешпей, өз каалаганын жасап, билген намазын окуй берет тура.
"Азия Ньюс" гезити
