Акыркы кабарлар
» Саясат » Искендер Матраимов Жогорку Кеңештин депутаттыгына көрсөтүлүүдө
Искендер Матраимов Жогорку Кеңештин депутаттыгына көрсөтүлүүдө
05-октябрь, 12:51
Жогорку Кеңештин КСДП фракциясынын депутаты Искендер Матраимов (Райымбек Матраимовдун бир тууганы) Жогорку Кеңештин депутаттарын шайлоого бир мандаттуу округдан катышууга ниеттенүүдө. Бул тууралуу Борбордук шайлоо комиссиясынан билдиришти.
Азыркы депутат өзү туулуп өскөн №9 Кара-Суу районунан шайлоого катышууга ниети бар экенин билдирген.
Бир мандаттуу округдар боюнча депутаттыкка талапкерлерди көрсөтүү 13-октябрда саат 18:00дө аяктайт. Талапкер бир округдан гана көрсөтүлүшү мүмкүн.
Эске салсак, Кыргызстанда 36 округ бар, алардын ар биринде талапкерлер көрсөтүлөт. Шайлоо округдары боюнча шайлоого катышуу үчүн документтер 13-октябрда саат 18:00гө чейин кабыл алынат.
