Прогноз погоды в городе Бишкек
Акыркы кабарлар
» » Райым Матраимовдун “куйруктары”... Айбек менен Марлен саткындарбы?

Райым Матраимовдун “куйруктары”... Айбек менен Марлен саткындарбы?

15-июль, 13:44
1 802 ᠌ ᠌ ᠌ ᠌᠌ ᠌ ᠌᠌

Саясаттын кумарына азгырылган, акчанын күчү менен алдыга жулунган жаштарыбыз көбөйүп баратат. Мындайлар коомду булгашары, артынан терс үлгү калтырышары шексиз. Эмесе, окшошкон “мадыра баштарга” азыноолак токтололу.

“Биздин Кыргызстан” деп партия ачкан Айбек Осмонов Ош шаардык кеңешинен экинчи орун алды. Акчанын күчү менен марага келгенин эшиттик. Бул эргул убагында Райым Матраимовдун артынан агасы Нурбек экөө чуркап жүрүшүп, бизнес жасашып, бийликтен колдоо табышкан. Эми болсо мурдун көтөрүшкөнү, кечээги жакшылык кылган адамга керсейгендей жүрүп калышканы эмнеси? Жаңы бийликке кошомат кылышкан Осмоновдорго убактылуу оомат ооп турса, ошол ырысын көтөрө албай дердеңдеп калышканы жакшылыкка алпарбас. “Байлык – колдун кири” дейт. Баары өтөт, кетет. Ал эми адамгерчилик, жигиттик жогорку сапат түбөлүктүү айтылат эмеспи. Бул жагынан бир тууган көпөстөр аксашып, акыл парасаттары какшып калгандай сезилип атабы? Ушундайларды жер кантип көтөрөт ыя?..

Дал ушуга үндөш экинчи жагдайга келсек, былтыркы парламенттик шайлоого Райым Матраимовдун “Мекеним Кыргызстан” партиясы аркылуу Марлен Маматалиев алдыңкы тизмеде аттанып, бөжөңдөп кызмат кылганы жашыруун эмес. Шайлоонун акыры төңкөрүш менен аяктаганын чечмелебей эле коёлу. Бир командада жүргөн Марлен балакай бийлик алмашкандан кийин 180 градуска бурулуп, беткабын сыйрып салып, жаңы төбөлдөрдүн эшигин каккылап атып, акыры колдоо алыптыр. Убагында Райым мырзанын моралдык, финансылык жардамдарын тез эле унутканы эмнени билдиретЖандырмагы жөнөкөй: кайсы бийлик келбесин, дароо эбин таап, түсүн алмаштырып кете бергени көндүмгө айланабыКачанкыга чейин?

Мына, биздеги жаш саясатчылардын жүздөрү ушундай. Айбек Осмонов менен Марлен Маматалиев кечээ Райым Матраимовдун “шинелинен чыгышканын” тез эле унутушуп, удургуй кете беришсе жардан алыс ыргышпайбы? Эл карап турат да. Принцип, туруктуулук, адамдык сапат деген баалуулуктар буларда жокпу? Аягы жакшылык менен бүтпөй калды го... 


"Азия Ньюс" гезити

Бөлүшүү:



Тектеш материалдар:

Эң көп окулгандар
Жөтөлдөн айыгууга сонун рецепттерди сунуштайбыз. Сактап коюңуз!
“Казакстанда коронавирус катталды” деген билдирүү тарап жатат
(Видео) Индиядан келген дааватчылар милицияга баш ийбей коюшкан
“30-апрелде карантин токтосо, 100 миңдеген адамдардын өмүрүнө коркунуч келтиребиз”
(Видео) Садыр Жапаров кудаларына тебетей тараткан тасма тарады
Калдарбек Абдраманов: “Эч кандай экинчи-үчүнчү толкун жок, болбойт дагы!”
(Видео) Молдокенин моокум кандыра албаган тасмасы...
Aryba.kg - Маалымат порталы
Сайтка баа бер