Азиз Турсунбаевге тыңсынган Исхак Пирматов камалды. Кудай бар экен!
Ала-Бука районунан Исхак Пирматов улам келген шайлоодо Азиз Турсунбаевге атаандаш катары чыгып, миллиондорду чачуу менен тоскоолдук жаратчу. Административдик ресурсту да “башына кийип” алчу эй! Ошого карабай Азиз мырза элдин колдоосуна татып, парламенттик шайлоолордо мандат алып келген. А чындыгында Пирматовду кезегинде өзү өстүрүп, кызматтан чоңойтконун билебиз. “Мал арыгын сыйласаң ооз майлайт, адам арыгын сыйласаң төбө каңдайт” деген лакап бар. Анын сыңарындай, Турсунбаев кыйын чыккан кадрынан кыйла азап көргөн. Бирок Кудай бар экен. Пирматов он жылдан ашык убакыттан бери мамлекетти “жеп” келатканы үчүн коррупцияга айыпталып, түрмөгө түштү. Эми мындан аркысы мыйзамдуу жолдо уланышы зарыл. УКМК төрагасы Камчыбек Ташиев мамлекетке 5 миллион доллар төктүрөйүн десе, ынабай койгону кабарланган. Натыйжада, 10 миллион доллар “кусабы” ыя?
"Азия Ньюс" гезити