Алмамбет Салиевдин кадры Эржигит Пасаңовго ИИМ кызыгып көрбөйбү?
Өзгөн районунун Кызыл-Октябрь айыл башчысы Эржигит Пасаңов жөнүндө жергиликтүү тургундардын нааразычылыгы айтылууда. Өткөн айдагы Кемпир-Абадды сактап калууда карапайым эл көтөрүлгөнү эсибизде. Ошондо Пасаңов айылдаштарына какыс-кукус, үстөмдүк жасаганы эмнеси? Бул боюнча баа берилбей калыптыр. Же күч органдары атайын зордук-зомбулук көрсөтүү үчүн пайдаланышканбы?.. Эсиңерде болсо, беш жыл мурда Эржигит Пасаңовду ИИМ уюшкан кылмыштуу топтун мүчөсү катары маалымат таратканы таңгалдырган. Эмне үчүн ушундай адам мамлекеттик кызматта отурат? Түшүнүксүз. Баса, билермандардын баамында, мурдагы бийликтин “серый кардиналы” Алмамбет Салиевдин өзүм билемдиги менен бул шектүү көтөрмөлөнүп, айыл өкмөт башычысы болгону кабарланды. Ар дайым ыплас иштерден аты угулган Алмамбеттин аңызы бүтпөйт экен да.
"Азия Ньюс" гезити
