Динчилдердин идеологиясын жайылткан гүленчи Алмаз Бейшеналиев кетсин!
Аймактарды айтпай эле коёлу, баш калаабызда башталгыч класстардан бери жоолук салынган кыздар көбөйсө, мектеп директорлору динчил ата-энелерден жалтактап, тыя албай келишет. Эми орозо кармаган тестиер окуучулардын арбыганы өкүндүрүүдө. Эмнеге көзөмөл кылышпайт? Балдарды ушунча кыйнайбызбы? Таңгаласың. Мектептерде эки кылым мурдагы көрүнүш – медреселердин элесин берип атса да, “кой” деген кожо жок. Албетте, бул маселе олуттуу көйгөйгө айланып баратат. Билим берүү министри Алмаз Бейшеналиевди “Азия Ньюс” гезити сындап койсо, чын тийбестене чычалап, Фейсбуктагы фейктерине жана жалданма “жазмакерлерине” кайра өзүн актатып, пиар менен алектенип жатып калмайды өнөр көрүүдө. Минтип мектептерге диний идеологияны жайылтып отурса, аягы кыйроого барарыбыз шексиз. Кыскасы, гүленчи Бейшеналиев агартуу тармагын таза талкалап бүтмөйүнчө кетпейби? Иштей албаса эмнеге байланып отурат?
"Азия Ньюс" гезити
