Канышай Мамыркулова коомдун “санитары”
Бийликти сындоо жагынан Канышай Мамыркулова сааттын жебесиндей так иштеп, байма-бай Фейсбуктан үн салып келет. “Ала кушту атынан ата” дегендей эле кимиси болбосун ачык жазып, бетке чабар мүнөзү менен өзгөчөлөнүүдө. Оппозиция очорулуп, чындык баштагыдай айтылбай калган чакта, ал коомдогу баардык тармакка кийлигишип, алешемдик жагын ачыктап, тазалыкка үндөп, “санитардык” милдетин аткарууда. Учурда саясый элита, аксакалдар акыйкат сөздөрүн айта албай калган эмеспи. Мындайда бактыбызга Канышай Мамыркулова бар экен. Кырдаалга жараша калыстыгынан тайбай, жат көрүнүштөргө карата курч пикирин билдирип, чыныгы күрөшчүлдүгүн көрсөтүүдө. “Темирди кызуусунда сок” дегендей, кесиптеш эжебиздин эрдигин, эрктүүлүгүн жана профессионалдуу ишмердигин татыктуу баалап, жылуу сөзүбүздү аябайлы. Кыз Сайкал, Жаңыл Мырза чыккан элдин уучу куру эмес тура.
"Азия Ньюс" гезити
P.S. Маалымат Канышай Мамыркулова камалганга чейин жарыяланган.
