Мишустинге өзүнчө жооп берүүнү айткан Касымалиевге кулак кагыш
Россия Федерациясынын премьер-министри Михаил Мишустин кыкеңдерге доомат артып, орустардан келген инвесторлорду коргоп, опузалап акча талап кылууну эскертип, кысымды токтотууну баса белгилеп, оор айыптоо жасаган. А биздин Адылбек Касымалиев жетиштүү жооп бере албай, бул маселени териштирип, өзүнчө кабарлай турганын билдирген. Андан бери бир топ убакыт өтүп кетти. Министрлер кабинетинин төрагасы жооп бердиби? Бул жагы ачыкталбай, жабылуу бойдон калып калгандай. Аныгында Россия Федерациясы менен стратегиялык өнүктөшпүз, дос мамлекет катары этият болушубуз керек. Эл аралык мыйзамдарды, талаптарды туура сактап, түз жолдон тайып кетпесек. Ансыз да Адылбек Касымалиевдин дарамети чектелүү болуп атпайбы. “Бечелге жөтөлдүн кереги не?” дегендей кеп да. Кыскасы, Мишустинге кандай түшүндүрмө жасаганы кызык. Маалымдап койбойбу?..
"Азия Ньюс" гезити
