Бакыйган кызматтын баркын кетирген Марат Иманкулов
Элге, мамлекетке пайдасы тийбеген чиновниктин эмне кереги бар? Мисал келтирели. Коопсуздук кеңешинин катчысы Марат Иманкуловдун ишмердиги баарыбызга белгисиз. “Аты улук, супарасы курук” дегендей, бакыйкан кызматтын баркын кетирип отурабы? Негизи күч органдарын көзөмөлдөө, анализ жүргүзүү, маанилүү жыйындарды өткөрүү менен алектениши керек эле. Тилекке каршы, коопсуздук боюнча бир сөз айтпай, уктап отурабы? Окурман деле калыс болсун, соңку жылдары Марат Иманкулов кандай ийгиликтерди жаратты? Эмнени кыйратты? Билбейбиз. Тек гана аты бар, заты жоктой таасир калтырууда. Эгерде мунун ордунда билимдүү, тажрыйбалуу, өткүр кадр иштеп атканда, мамлекетке пайдасы тиймек да. Калыстык керек, бюджетке жүк кылбай бул кадрдан кутулуу зарыл го? Профессионалдар бар. Орун алмаштыруу шарт. “Эт менен челдин” ортосундагы генералды кресло жырттырып кармай бербей, башкасын таппайлыбы?
"Азия Ньюс" гезити
