Депутат Бейшеналы Нурдиновду фракциялаштары сыйлабайбы?
Өткөн айда “Кыргызстан” фракциясына лидер катары шайланган Бейшеналы Нурдинов саясатты терең түшүнбөгөн, шефтери кандай көрсөтмө берсе, ошого жараша опулдай сүйлөп койгон “байкуш” тура. Депутат катары көтөргөн маселелери да жеке кызыкчылыгына, бизнеске байланыштуу экени жалганбы? Бул эргулду чет өлкөдө качып жүргөн алкомагнат Шаршенбек Абдыкеримов каалагандай калчаганы, анын айтканы менен иш кылганын кантип жашырабыз? Убактылуу болсо да мандаттын аркасынан кумарлануу, көмүскө иштерин алдыга жылдыруу го? Бейшеналы Нурдиновдун сырын билген кесиптештери деле сыйлабастыгы, жадагалса фракциясынан татыктуу колдоо таба албаганы эмнени билдирет? Кыскасы, суроо бере берсең арбын. Деги түшүнөбү? Мындайлар депутат болбой эле коммерсанттык ишин кылып жүрө беришсе не?..
"Азия Ньюс" гезити
