Түркияда ИИ менен түзүлгөн сериал жарык көрдү
Түркиянын Ay Yapım компаниясы Prime Video платформасында «Сепилдин дубалдары» аттуу сериалын чыгарды. Компания аны ири эл аралык стриминг платформасы үчүн жасалма интеллекттин жардамы менен түзүлгөн дүйнөдөгү алгачкы сериал катары тааныштырды.
Сериал Аламут сепилинин тарыхына арналган эки 15 мүнөттүк бөлүктөн турат. Аны жаратууда ChatGPT, MidJourney, Runway, Veo жана Kling сыяктуу жасалма интеллект куралдары колдонулган.
Бирок ИИ адамдын эмгегин толугу менен алмаштырган эмес. Каармандар менен локациялар алгач кол менен иштелип чыгып, дубляжды кесипкөй актерлор аткарган. Компаниянын айтымында, жасалма интеллект чыгармачыл адистердин ордун баспастан, алардын мүмкүнчүлүгүн кеңейтүүчү курал катары колдонулган.
Бул долбоор кино жана сериал өндүрүшүндө жасалма интеллекттин мүмкүнчүлүктөрү кеңейип жатканын көрсөтөт.
