Издөөгө алынган тергөөчүнүн иши башкы прокуратурадан бүтөбү?
ИИМдин өзгөчө маанидеги иштердин тергөөчүсүнө УКМК өткөн айда издөө жарыялап, кармай албай калган. “Кактус” сайты да кыскача маалымат тараткан эле. Тергөөчү ири суммадагы пара алууга шектелип, чет өлкөгө “куйрук түйүп” кетип атпайбы. Ал сыртта жатып алып, ишти бүтүрүүнү айтып, жетекчилерин коркутканбы? Мандеми болуп жүрбөсүн?..
Айтор, суроолор дагы уланат.
Кызыгы, бул чуулгандуу иш УКМКдан алынып, КР аскер прокуратурасына өткөрүлүп берилдиби? Башынан “контордогулар” принципке туруп атышса, эми оңдой-берди болуп, “жең ичинен” чечилип кетпейби? ИИМ орун басары Эркебек Аширходжаев издөөгө алынган тергөөчүнү калкалоого аргасызбы? Мурда да шопуру чуулганга кабылганы эсиңердеби? Ал иш эмне болуп бүткөн?..
Башкы прокурор Малик Бектурганов кызматка жакында эле киришти. Бул кадр жалпы мыйзамдын аткарылышы боюнча адилеттүү түрдө көзөмөлдөй алабы? Мурдагыларды билебиз... Байып кетишти эле го? Сөз көп. “Кар жаады, из басылды” оюну улана бербейби?
