Акыркы кабарлар
» Кылмыш » Бийликти басып алууга шектелгендердин төртөө камакта калды
Бийликти басып алууга шектелгендердин төртөө камакта калды
08-июнь, 17:17
Улуттук коопсуздук мамлекеттик комитети «бийликти күч менен басып алууга аракет көргөн» деген шек менен кармаган беш адамдын төртөө эки аптага тергөө абагына камакка алынды. Бул тууралуу Биринчи Май райондук сотунун басма сөз кызматы билдирди. УКМКнын тергөөчүсү төрт адамды 21-июнга чейин камакка алуу, бирөөнү үй камагына чыгаруу өтүнүчүн берген. Сот суранычтарды толук канааттандырган.
Айта кетсек, 6-июнда улуттук коопсуздук мамлекеттик комитети бийликти күч менен басып алуу максатында массалык башаламандыктарды жана баш ийбөөчүлүк акцияларын уюштурууну пландаган адамдар кармалганын, алардын башында «Элдик кеңеш» саясый партиясынын төрайымы турганы тастыкталганын кабарлаган.
Айрым интернет басылмалар кармалгандардын бири «Элдик кеңеш» саясый партиясынын төрайымы Роза Нурматова, бири «Чек ара» коомдук бирикмесинин өкүлү Гүлжигит Исаков, бири Жусуп Баласагын атындагы КУУнун окутуучусу Чолпонбек Сыдыкбаев экенин жазышууда."Азия Ньюс" гезити
