Акыркы кабарлар
» Кылмыш » Эрежеге баш ийбегендер 7 жылга кесилип, 300-400 миң сом айып пул салынат
Эрежеге баш ийбегендер 7 жылга кесилип, 300-400 миң сом айып пул салынат
31-март, 18:00
Ош шаары, Ноокат жана Кара-Суу райондорунун коменданты Малик Нурдинов элге кайрылуу жасап, тургундарды ИИМдин кызматкерлери менен эмес, коронавирус менен күрөшүүгө чакырды.
“Урматтуу тургундар, коменданттык саат киргизиленден тартып түшүндүрүү иштерин жүргүзүп, тынымсыз эскертүүлөрдү берип жатабыз. Эскертүүлөргө карабай адамдардын көчөгө чыгуусу көп болуп, унаалардын кыймылы үзүлбөй жатат. Эскертип коёюн, эгерде эрежелерди сактабай илдетке чалдыксаӊыздар өз каражатыңарга дарыланасыңар. Эрежелерге баш ийбеген жарандарга жазык кодекси боюнча да жоопкерчилик каралган. 7 жылга чейин эркинен ажыратылып, 300-400 миң сом айып пул салынат. Мындан ары тартип катуу болот. Эскертүү берилбейт,” - деди Малик Нурдинов.
