Музейдеги көргөзмөгө жылаңач чыккан айым ким болгон?
Бишкектеги Гапар Айтиев атындагы улуттук көркөм сүрөт музейинде жылаңачтанган аялдардын коштоосундагы көргөзмө коомчулукта ызы-чуу жаратып, директору Мира Жангарачеванын кызматтан кетүүсү менен коштолду.
Ал эми көргөзмөгө энеден туулма жылаңач чыккан аялдардын бири Жули Савери — Даниялык актриса жана бийчи. Ал Копенгаген шаарында музыкант, бийчи жана сүрөтчүнүн үй-бүлөсүндө өскөн. 5 жашынан тарта бийлеп, Nya Malmö Latin мектебин аяктаган 2014-жылы Берлинге барган. Жер которуусу бийчилик өнөр боюнча кесипкөй билим алуу менен байланыштуу болуп, ал окуу жайды 2019-жылы аяктаган.
Берлинде, Копенгагенде бийчилик өнөрүнөн тышкары өзүнүн долбоорлорун ишке ашыруу менен алектенет.
Кыргыз улуттук көркөм сүрөт искусство музейинде «Кормилица» деп аталган эл аралык заманбап искусство көргөзмө феминалле өткөрүлгөн. Бул көргөзмөнүн негизги максаты аялдардын экономикалык жактан эркиндиги, алардын укуктары жөнүндө коомчулуктун көңүлүн буруу болгон.
