Аялын бычактап, качып кеткен 62 жаштагы киши кармалды
29-ноябрында Чүй облусунун Токмок шаарындагы ооруканага бычактан жаракат алган аял келип түшкөн.
Токмок ШИИБинин милиция кызматкерлери ооруканага барышып, окуянын чоо-жайын иликтешти.
2019-жылдын 29-ноябрында саат 12:27 чамасында Токмок шаарындагы медициналык борборлордун биринде жубайлар ортосунда чыр чыккан. Медициналык борбордо ал үй-бүлөнүн жубайы иштеген. Бул чыр күчөп отуруп, күйөөсү аялын бычактап салуу менен аяктаган.
Аялын бычактагандан соң күйөөсү окуя болгон жерден качып кеткен. Денесинен жаракат алган 57 жаштагы Ш.Г. шаардык ооруканага жеткирилген. Бул окуя боюнча “адам өмүрүнө кол салуу” беренеси боюнча кылмыш иши козголуп, кылмыш изи сууй электе 62 жаштагы Ш.А. атуу шектүү колго түшүрүлгөн. Азыркы тапта тергөө жана иликтөө иштери жүрүүдө.
Aryba.kg
