Бурулайдын өлүмү үчүн иштен кеткен Марлис Асанов Талас ОИИБ начальниги болду
Чүй ОИИБ орун басары болуп турганда Марлис Асанов шалаакылыгы үчүн кызматтан алынган. Эмне үчүн дейсизби? Эсиңерде болсо, Жайыл РИИБнин ичинде жигити тарабынан бычакталып өлтүрүлгөн Бурулай эл аралык алкакта чуу жараткан. Дүйнөлүк пресса жазган эле. Ошентип, райондун жана облустун “кызыл шапкечендеринин” айынан өтө кейиштүү окуяга туш болгонбуз. Чырактай кызыбыздын өлүмүнө бир катар жетекчилер айыпталып, алардын катарында Марлис Асанов да бар болчу. Натыйжада, ээлеген креслосунан айрылган. Бирок, убакыттын өтүшү менен ал Талас ОИИБнин начальниги болуп дайындалды. Анчалык деле профессионал кадр эмес, көптүн бири катары жүрүп, кантип секирик жасады? Көрсө, Марлистин капчыгынын калыңдыгы, генерал-миллионер Данияр Абдыкаровдун өкүл баласы болгону үчүн көтөрүлдүбү? Эрксизден баш чайкайсың! Бакиевдин тушунда кадрдык саясат ушундай өнүкчү эле. Кайда баратабыз?..
Aryba.kg
