Караколдо митинг администрациянын аймагында өтпөй турган болду
Каракол шаарынын мэриясы коррупция менен жемкорлукка каршы митингди стратегиялык жана билим берүү объектилеринин жанында өткөрүүгө тыюу салуу үчүн сотко кайрылат.
25-ноябрда, Бишкек (Ак үйдүн алды) менен Каракол (райондук администрациянын аймагында) шаарларында саат 11:30да тынчтык митинги болушу күтүлүүдө. Бирок борбор калаанын Биринчи Май райондук соту 1-декабрга чейин Ак үйдүн алдында акция өткөрүүгөчектөө киргизди.
Ал эми Каракол шаардык мэриясы: “Митингди стратегиялык жана билим берүү объектилеринен алыс жерде өткөрүүнү сунуштайбыз. Буга чейинки акциялар дагы стадиондо өтүп келген”, - дешти.
"25-ноябрда боло турган тынчтык митингди экинчи, үчүнчү күчтөр пайдаланып кетпесин, Кыргызстанга тынчтык керек" деп тынчсызданган жарандар социалдык тармактарга жазышууда.
Aryba.kg
