Анжелика жаңы сүйүктүүсүн көрсөтүп, көңүлү тынч экенин айтты
Инстаграммда миллиондон ашуун катталуусу бар эстрада ырчысы Анжелика Кайратова жеке жашоосун, кыймыл-аракетин, сүйүктүүсүн социалдык тармактарга жарыялап, элди эриктирбейт.
Кечээ жакында эле ага "көз тийгенин" айтып, "эми кан чыгарып, куран окутпасам элеби" деп жазган эле.
Эми бүгүн сүйүктүүсү ким экенин ачык айтпаса да видеодо тойдо ырдап, аны менен чогуу жүргөн мырзасын көрсөтүп, сүйүктүүсү тууралуу жазып чыкты:
“Жеке жашоомдун эшиги жакындарыма гана ачык болот. Сиздер учун жөн эле үч кыздын апасы, эмгекчил - Анжелика бойдон калайын. Эч кимдин эч кимисине эч нерсе тастыктабайм. Өткөн нерселер өттү, кетти. Адеп эле менин эмне кылышымды жаза бербешиңиздерди өтүнөм. Эң негизгисин билем, мандайга жазылган тагдырга – баш ийип туура жашашты. Көңүлүм, жүрөгүм тынч. Мага тилеген жакшы тилегиңиздер – сиздерге он эселеп кайтсын. Эч бир инсан жалгыз бой болбосун, түгөйүн тапсын”,- деген билдирүү менен, сүйүктүүсү менен бирге конок болгон тойдон видео бөлүштү.
Видеодо Анжелика букет көтөрүп, анын жанында жүргөн келбеттүү мырзаны көрүүгө болот. Ал видеодо Анжелика өзү “Сен менин айтылбаган сырларымсың...” деп өзү созолонто ырдаганы бар.
