Депутаттар коррупция тууралуу айткан окуучу кызды ыйлатышты (видео)
Кечээ Бүткүл дүйнөлүк балдар күнүнө карата Кыргызстандагы бардык аймактардан келген окуучулар Жогорку кеңеште депутаттар менен жолугуп, депутаттар менен катар саясат, өлкөдөгү коррупция тууралуу талкуу жүргүзүштү.
Окуучулар коомдогу көйгөйлөр тууралуу кызыктуу талкууларды айтышты. Алардын көпчүлүгү алыскы аймактардагы окуучулардын билим деңгээли, компьютеризация, мектептеги көйгөйлөр, класстардын муздагы, окуучуларды ташыган бекер автобус маселелери, мүмкүнчүлүгү чектелген балдардын абалы, ички жана тышкы миграция, суицид, Кыргызстандын экологиясы, ден соолук жана башка көп маселелерди көтөрүштү.
Талкууда мектептеги маселелерди, коррупцияны айтып жаткан окуучу кыз депутаттардын күлкүсүндө калып, ызаланып ыйлаганын белгилүү бир сайттын оператору тартып алган. Ал кыз кол чабуулар жана күлгөн депутаттарга ызаланып, сөзүн андан ары улабай койду.
Aryba.kg