Каныбек Осмоналиев, профессор: “Алтындын Кипрге чыгарылып кеткенин УКМК “фейк” деп аныктады!”
-- Каныбек агай, кечээтен бери интернетте “Сабыр аба, өткөзүп алдым” деген алтындардын видеосу талкууланууда. Бири Болот Темиров жалган маалыматты таркатып жатканын айтса, экинчилери Эдил Байсаловдун жообуна ишеним артышууда. Сиз кандай дейсиз?
-- Азыркы маалда интернеттин мүмкүнчүлүгү ашып-ташып, ээ-жаа бербей, биротоло "кумгандан кубулуп чыккан жиндей" болуп, ээнбаштыкка өтүп кетпедиби? Бир узунураак сүйлөмдөн бир нече ката кетирип жазган макулук дагы өзүн "эл аралык деңгээлдеги эксперт" эсептеп алганына күйөсүң! Дароо эле айтып коёюн, алтындын Кипрге чыгарылып кеткени жөнүндөгү псевдовидео УКМКнын расмий билдирүүсүнө ылайык "фейк" деп аныкталды! Бүттү, калган изилдөө иштерин өлкөнүн күч түзүмдөрү иликтесин. Бул маселе алардын милдети. Ким айыптуу болсо, мыйзамга ылайык өз жазасын алат! Оолугуп-дээлиге бергенден пайда жок. А биз болсо, ар бирибиз өзүбүздүн кесиптерибиз боюнча жигердүү эмгектенгенге өтсөк. Болбодубу эми! Расмий бийлик күнү-түнү жаратмандык менен алек. Алдыда катуу чакырыктар тизилип турат. Дүйнө чакырыктарын айтпай эле коёюн. Андан соң мамлекетти өнүктүрө турган долбоорлор менен алектенеличи, бир туугандарым!
"Азия Ньюс" гезити
