Акыркы кабарлар
» Коом » Жарык күнүгө өчүшү ыктымал
Жарык күнүгө өчүшү ыктымал
17-декабрь, 13:49
Вице-премьер Равшан Сабиров парламентте сүйлөп жатып, Кыргызстанда жарык өчүп турушу ыктымалдыгын айтты. Анын билдиргенине караганда, бул маал-маалы менен өчүрүүгө кирбейт. Болгону автоматтык подстанцияларга күч келгендиктен жарык өчүп калышы мүмкүн.
“Бүгүнкү күндө электр энергиясын колдонгондордун саны өсүп жаткандыктан подстанцияларга күч келип жатат. Кечээ кечинде көрсөткүч 67 миллион кВт/саатка жетсе, күндүз 70 миллион кВт/саатты түзгөн. Керектөө суткасына 7-10 миллион кВт/саатка өсүп жатат. Бул маал-маалы менен эмес, автоматтык өчүрүүлөр” деди Сабиров.
Вице-премьер Токтогул суу сактагычындагы суунун көлөмү 13 миллиард куб/метр экенин кошумчалады.
«Азия Ньюс» гезити
