Бакай Кашкарбаев качанкыга чейин тайраңдайт болду экен?
“Арматура менен жанчыгыч” Бакай Кашкарбаев жалгыз өзү төңкөрүш кылгандай эле опурулуп жүрөт. “Урунарга тоо, урушарга жоо таппай” дегендей. Элдик көзөмөл кылуучу топтун лидери болуп алыптыр, муну эч ким шайлаган эмес. Тек гана өзүм билемдик. Улам бир саясатчыга асылып, куру жалаа жабуу менен шугулданууда. Колунда бир документ жок. Айтор, мамлекетти башына кийип алгандай эле кутура береби? А баса, жакында Сыймык Жапыкеев “мен садыровчу эмесмин, “чоңказатчымын” деп айтып койсо, Бакай Кашкарбаев ага улам асылып, чыр-чатак чыгарууга далалат кылды. Аягында Сыймык Жапыкеевдин төрт баласы “арматура менен жанчыгычты” кечирим суратып, сес көрсөтүштү. Кыскасы, Садыр Жапаровдун жанындагы айрым эстүүлөр бул “баатырды” тыйып коюшпаса, аягы жакшылыкка алып барбайт. Кыжыры келгендер арбый баштады. Качанкыга чейин тайраңдайт болду экен?..
"Азия Ньюс" гезити