Өзбекстандан Кыргызстанга 10 жолу ууланган азыктар келген
2019-жылдын башынан бери Өзбекстандан Евразия экономикалык биримдигинин фитосанитардык карантиндик талаптарына жооп бербеген 356 факт катталган. Бул тууралуу Айыл чарба, тамак-аш өнөр жайы жана мелиорация министрлиги маалымат берди.
Анын ичинде 10 жолу ууланган продукциялар келген, акыркы жолу Өзбекстандан ташылып келген анардын ууланганы аныкталган.
Товар Өзбекстандын фитосанитардык көзөмөлүнүн сертификаты менен келген. Оштогу лабороториянын текшерүүсүнөн өткөндө «Grapholitha molesta Busck» вирусу менен ууланганы белгилүү болгон.
«Мындан кийин Өзбекстандан келген 35,25 тонна башка товарлар да «Достук» бекетинен өткөрүлгөн жок. Фитосанитардык карантиндик текшерүүдөн өткөндө 35,25 тонна продукциянын (курма, бий алма ж.б) фитосанитардык сертификаты жараксыз жана кутусунда этикеткасы жок экени такталган»,-дейт маалымматта.
ЕАЭБдин талаптарына жана Кыргызстандын мыйзамдарына ылайык, карантиндик товарлардын Өзбекстандан ташып келүүгө тыюу салынышы мүмкүн. Министрликтин алдындагы Өсүмдүктөрдүн карантини департаменти кошуна өлкөнүн тийиштүү мекемесине өсүмдүк азыктарына убактылуу чектөө киргизилип жатканы жөнүндө кат жөнөтүлдү.
