Прогноз погоды в городе Бишкек
Акыркы кабарлар
» » Назира Жумаева: “Ата-энем, эки агам жана жолдошум менен баламдан айрылдым”

Назира Жумаева: “Ата-энем, эки агам жана жолдошум менен баламдан айрылдым”

14-сентябрь, 17:18
274 ᠌ ᠌ ᠌ ᠌᠌ ᠌ ᠌᠌

Ат-Башы районуна караштуу Ача-Кайыңды айылынын 35 жаштагы тургуну Назира Жумаева авариялык абалдагы үйдө кызы менен жашап келет. Ал  Ат-Башы районуна караштуу Ача-Кайыңды айылынын кызы. Мектепти аяктап, Ак-Талаа районунун тургунуна турмушка чыккан. Жолдошу каза болгондон кийин кичи мекенине келип, атасынан калган тамда жашап калган. Ата-энесинен, эки бир тууган агасынан жана бир баласынан да эрте айрылды. 2-топтогу майыптыкка чыккан жалгыз бой эне учурда 4400 сом пенсия алат. Ал эми кызына 1200 сом жөлөк пул алат.

«Мектепти аяктап эле Ак-Талаа районунун тургунуна турмушка чыктым. Жолдошум курулуш иштеринде иштечү. Өзүнүн атасынын үйүндө иштеп жатканда дубал басып, каза болуп калды. Бир балам чарчап калган. Азыр бир эле кызым бар. Күз айларында картошка терип иштеп, кышкыга көң алчумун. Быйыл дагы элдин картошкаларын жыйнап, тапкан акчама алам деп турам.

Бул тамды атам 2005-жылы эски үйдүн ордуна курган. Бирок ортодо киши жашабай калып, каралбай калды. Эки жыл агам жашады. Ал дагы каза болуп калды. Үстүнөн суу агат, кышында жылыбайт. Полу ачык, жука. Эшик-терезелер, айтор, бардык материалдары эски тамдыкы болгондуктан жылуулук деле бербейт. Тамдын ичинен көчө көрүнөт. Таң атканда чатырдан жарык көрүнөт. Бозүйдө жашагандай элемин. Элдин жардамына муктажмын» деди ал.

Назира Жумаеванын байланыш номуру: 0500-00-61-98.

“Турмуш”

Бөлүшүү:



Тектеш материалдар:
Эң көп окулгандар
“Казакстанда коронавирус катталды” деген билдирүү тарап жатат
(Видео) Индиядан келген дааватчылар милицияга баш ийбей коюшкан
“30-апрелде карантин токтосо, 100 миңдеген адамдардын өмүрүнө коркунуч келтиребиз”
Калдарбек Абдраманов: “Эч кандай экинчи-үчүнчү толкун жок, болбойт дагы!”
Аалы акын Дастан менен Зарылды “таластыктардын чимкириктери” деди
Чубак ажы Жалилов чын дүйнөгө кете берди...
(Видео) Карантиндеги чатак. Күйөөсү аялын терезеден ыргытты...
Aryba.kg - Маалымат порталы
Сайтка баа бер