Коңшу өлкөдө вирус жайылды, Кыргызстанда кайрадан апаат башталабы?
Казакстанда акыркы бир сутка ичинде өпкөсү кагынган 481 адам жаңы катталып, 4 бейтап көз жумганын саламаттык сактоо министрлиги 4-сентябрда билдирди. Бир күн мурда пневмонияга чалдыккандардын саны 571 кишиге жеткен болчу. Ал эми 2-сентябрда өпкөсү кагынган 27 гана адам аныкталган эле.
Ошентип, соңку эки күн ичинде коңшу өлкөдө вирус кескин түрдө жайыла баштаган. Эске салсак, алгач Казакстанда апаат курчуп баштагандан кийин Кыргызстанда да күчөгөн. Учурда өлкөбүздө парламенттик шайлоого карай үгүт иштерине элдин чогулганы, нааразычылык акциялардагы топтошуулар, о.э. той-аш, куран окутуулар да арбыган. Өкмөт башчы Боронов эскертүү беримиш этип, көчүгүн көтөрө албагандай образ жаратууда. Айтор, бизде да коронавирустун коркунучтуу коңгуроосу кагыла баштады. Тилекке каршы, баягы эле бийликтин кайдыгерлиги, кырдаалга жараша бошоң мамиле жасаганы өкүндүрөт. Эртең вирус кайрадан жайылып кетсе, баягы эле карапайым калк азап тартып, кырыла баштаса кантебиз? Алдын ала ден соолук коопсуздугун көрүп, катуу тартипти койбосок, экинчи толкунга туруштук берүү кыяматка айланчудай...
Aryba.kg
