Майрам күнү президенттен кагуу жеген Кашкар Жунушалиевдин абалы чатак!
Милициянын 95 жылдык мааракесинде Сооронбай Жээнбеков өздүк курамды куттуктоодон сырткары министр Кашкар Жунушалиевдин ишмердигине сын-пикирин билдирди. Президент өз сөзүндө: ишкерлер милиция кызматкерлеринен жардам таба албай калганын, ишеним жоктугунан өлкө жетекчисине чейин кайрылууга аргасыз болуп атышканын баса белгиледи. О.э. уюшкан кылмыштуулукка каршы аеосуз күрөшүүнү да эскертти. Негизи майрам күнү алкоо сөздөр гана айтылыш керек болчу, тилекке каршы, президент жаны ачыганынан министрдин ишмердигине ичи чыкпаганын ачык көрсөттү. Сыягы, Кашкар Жунушалиев көпкө узабай эле кызматынан кете турганын береги сөздөрдөн улам баамдасак болот. Учурда ИИМде интрига, коррупция, кадр саясатынын кедеринен кеткени, кылмыштуулукка каршы күрөшүү солгундаганы жашыруун эмес. Эң башкысы, элдин милицияга болгон ишеними төмөндөп кетти. Дал ушундай алешемдиктен улам Сооронбай Жээнбеков кимди министрлик креслого жылдырат болду экен? Аз күндө билинип калат...
Aryba.kg
