Кара-Кечеде жол буулуп, электр карагайлары кыйраса да Боронов кайдыгерби?
Урматтуу окурман! 17-августта Кара-Кече көмүр кенине бара жаткан жолго тоо урап, жолду бууп, электр карагайлары кыйраган болчу. Ошондон бери Кара-Кечеде свет жок, электр тогу менен иштеген экскаватор жана башка шаймандар иштебей калган. Кара-Кече көмүр бассейнинде төрт ири көмүр өндүргөн компаниялар табигат туткунунда калып, байланышы жок отурат. ӨКМ ушул убакытка чейин жолду тазалоо ишин кылбай, кебелбей жатканы табышмак бойдон калууда. Премьер-министр Боронов кыш камын көрүп, элди жылуулук менен өз убагында камсыз кылууга, кышында жарыксыз калбоо үчүн убадасын берген. Эми кайдыгерби? Быйыл өзгөчө даярдыгынын бири жок. Ушундай дагы болчу беле? 17-августтан бери 8 күн өттү, өзгөчө кырдаалды ушинтип чечишеби? Анан суук түшкөндө, албетте, жумушчуларга жана айдоочуларга күч келет, далай адамдар ден соолугунан ажырап, түйшүккө кабылышат. Анан калса өкмөт болбогон жерден көмүрчүлөрдү күнөөлөгөн жайы бар эмеспи. Ошондуктан тез арада ӨКМ жолду ачып, электр карагайларын калыбына келтирүү кызматын жасап, көмүрчүлөрдү туткундан бошотушу зарыл.