Инфекция жуккан адамдардын өмүрү 9-10 жылга кыскарабы?
АКШдагы Джордж Мэйсон университетинин профессору жана биология илимдеринин доктору Анча Баранова COVID-19 вирусунун коркунучу жөнүндө билдирүү жасады. "Көрүнүп тургандай, алардын өмүрүнүн узактыгы орто эсеп менен 9-10 жылга кыскарат",-деди ал.
Ал жыныска жараша да өзгөрөт: “эркектер аялдарга караганда өмүр сүрүү узактыгы кемийт” деди ал. Анын айтымында, окумуштуулар коронавирус оорусу бар бейтаптардын биохимиялык параметрлерин талдап, ушундай жыйынтыкка келишкен. Бирок, бул акыркы "чечим" эмес: мындай көрсөткүчтү жакшыртууга болот. Бул үчүн бейтап толук калыбына келтирүү жол-жобосунан өтүшү керек. Башкача айтканда, калыбына келгенден кийин, жок дегенде, 8 саат укташыңыз керек. Уйку учурунда дене калыбына келет. Уйкунун аздыгы иммундук системаны алсыратат.
Ал белгилегендей, вирус бүткүл дүйнөнү "алаканында" кармап турган кези. Өпкөгө гана зыян келтирип койбостон, мээге да таасирин тийгизет. "Көрүнүп тургандай, айрыкча, улгайган адамдарда вирус мээге кычкылтек жетишпегендиктен ар кандай белгилерди жаратат" дейт. Ал эми диагноз коюлбаган бейтаптар, анын ичинде жаштар микро инсультка кабылышын белгиледи. Бул алардын ооруну жуктургандыгынын бирден-бир белгиси болушу мүмкүн.
"Эч кандай белгилери жок жаш адамда микро инсульт болушу мүмкүн. Кандын уюшу өзгөргөндүктөн (вирустун ички инфекциясы) адам түн ичинде катуу баш оору менен ойгонот, бул микро-инсульт, башкача айтканда, кан тамырларда кандын уюп калуусу. Муну билүү маанилүү”,-дейт Баранова.
Мындан тышкары, бул инфекция бөйрөктөргө терс таасирин тийгизет. Профессордун айтымында, вирустук инфекциянын кесепетинен көптөгөн белок бөлүнүп чыгат жана бөйрөктөргө салмак салат. Ушундан улам, ал чыпкалоо мүмкүнчүлүгүн жоготот.
“Заман”
