Батирдин акчасын төлөй албай, эки кызым менен көчөдө калдым
Карантиндин айынан көп үй-бүлөлөр, жалгыз бой энелер жабыр тартып калды. Эки кызы менен батир акысын төлөй албай көчөдө калган жаш энеге жардам берели. Төмөндөгү телефон номерине кайрылсаңыздар болот.
“Мен эки кызым менен батирде турчумун. Карантин убагында аябай кыйналып калдым. Эки айдын акысын төлөй албаганым үчүн үч күн мурун батирден чыгарып койду. Азыр бирөөнүкүндө суранып убактылуу турам. Кыздарымдын атасы жардам бербейт, такыр дайыны жок болгонуна бир жарым жыл болду. Ата-энем да жок, мурда эле каза болуп калган. Былтыр өзүм да операция болуп, оор жумуш жасай албайм. Батирдин акчасын бере албагандан ушинтип көчөдө калам деп ойлогон эмесмин, жалгыз аябай кыйналып кеттим. Акчам жок, тамак-ашым да жок, кыздарымдын курсагын эптеп тойгузуп атам. Сиздерден суранам, жардам бергилечи?! Телефон номерим: 0704-13-67-87.
