Акыркы кабарлар
» Коом » Күйүүчү майдын абалы боюнча кезектеги түшүндүрмө
Күйүүчү майдын абалы боюнча кезектеги түшүндүрмө
21-июль, 22:08
Монополияга каршы жөнгө салуу кызматы Кыргызстанда күйүүчү майдын баасы боюнча түшүндүрмө берип, учурда рынокко туруктуу мониторинг жүргүзүлүп жатканын билдирди.
Мекеменин маалыматына ылайык, күйүүчү-майлоочу майлардын баасы сатып алуу наркынын өзгөрүшүнө, логистикалык чыгымдардын көбөйүшүнө же башка объективдүү экономикалык себептерге байланыштуу гана кайра каралышы мүмкүн. Ошондой эле кызмат рыноктогу баа динамикасын талдап, түзүлгөн макулдашуулардын аткарылышын көзөмөлдөөнү улантып жатканын белгиледи.
“Күйүүчү майдын баасын туруктуу кармап туруу максатында мамлекет импорттоочу компанияларга субсидия бөлүп келет. Бул колдоо ички рынокто баанын кескин өсүшүнө жол бербөөгө багытталган. Көрүлүп жаткан чаралардын натыйжасында Кыргызстанда күйүүчү майдын баасы коңшу мамлекеттерге, анын ичинде баалар өсүп жаткан Россияга салыштырмалуу төмөн деңгээлде сакталууда”, - деп айтылат билдирүүдө.
