Начальник Акылбек Бекишовду “дааватчы” деп тергешеби?
“Бир күнү оору, бир күн со-оо, оо, Алымкан” деген атактуу ыр бар эмеспи. Анын сыңарындай, Ысык-Көл РИИБ начальниги Акылбек Бекишов туруп эле жумушунан жок болуп кеткени эмнеси? Өздүк курамдагылар “дааватта” деп тергешерин уктук. Айтор, кызык болуп жаткандай...
Мисалы, майрам күндөрү Ысык-Көлгө барып, эс алгандар арбын. Жакында сезон башталат. Мындай шартта РИИБ начальниги алагүү таризде из суутуп кетсе, кандайча элестетебиз? “Ишенген кожом сен болсоң, алды алдынан тал карма” ишаратындай го? Негизинен жүз миңдеген эс алуучулардын, туристтердин агымы дал ушул Ысык-Көл районуна барары айкын. А башкы тартип сакчысы Акылбек Бекишовдун абалын кантебиз? “Алма сабагынан ашып түшпөйт” дегендей, бул эргул ИИМ орун басары Октябрь Урмамбетовдун кадры катары сыпатталып келет. “Кол ийрисине тарткан” кесепеттин айынан жалпы милицияга көлөкө түшүп калбайбы?
