(Видео) Мас аялдын көчөдө жатканын “өлүккө” айландырган...
Бүгүн социалдык тармактарда Кант шаарындагы көчөлөрдүн биринде жаткан аялды камерага тартып, “Тез жардам” кызматы келбей жатат, милиция келип эч кандай жардам көрсөтпөй кетип калды. Адамдын өлгөнү ит өлгөндөй болуп калдыбы? Биздин “чоңдор” (бийлик) иштеген жок” деп сүйлөгөн жигиттин видосу кеңири тараган. Бул боюнча Ысык-Ата райондук мамлекеттик администрациясы төмөнкүчө маалымат берди.
“Бул боюнча Ысык-Ата райондук мамлекеттик администрациясы, райондук ички иштер бөлүмү учурунда иш алып барган. Ал аял “Тез жардам” кызматы менен ооруканага жеткирилип, катуу мас абалында экендиги аныкталган. Милиция тарабынан өздүгү такталып, ал Кант шаарынын тургуну С.В.К. аттуу аял болуп чыкты. Учурда аял кечирим сурап, таарынычтан улам көп ичип алгандыгын айтууда”.
Ал эми ушул абалдан пайдаланып, мындай чуулгандуу видеону тартып, жалган маалымат тараткан адам милиция тарабынан изделип жатат. Бул тууралуу “Барс медиа” кабар таратты
