Эмне үчүн казиного каршы болушубуз керек?
Режиссер Руслан Машрапов казино тууралуу пикирин жолдоду.
“Мен бир келиндин өз оозунан уккан окуяны айтып берейин. Убагында ата-энеси “тим эле койбойсуңбу” дегенине карабай, кыз казаКстанга келин болуп турмушка чыгат. Эми “сүйүү деген ушундай экен” деп жашап калышат. Убакыт өтүп, келин боюнда болгон кезде күйөсүнүн кумар оюну менен алектенгенин билет. Үйгө да көп келбей, акчасы күнүмдүк жашоосуна дайыма тартыш боло баштайт. Бир күнү такыр эле келбей,сүйлөшпөй алыстап кача баштайт. Ошол убакта үйүнө эңгезердей эки бала келет. Келин болсо жалгыз. Алар аны күйөсүнүн кумар оюнуна уттуруп жибергенин, эми ал аларга таандык экенин айтышып, бирок келиндин төмпөйгөн ичин, боюнда бар экенин көрүшүп, адамдыкпы же агалык сезими ойгонушканбы, үч сааттын ичинде кыргызстанга кетип калуусун айтышат.
Кыскасы ушундай. Келиндин калган тагдыры узун сөз. Кумар оюндарынын өлкөдө расмий болушу карапайым эл арасында мындай окуяларды далайына себепкер болот го деген ой. Бул эми мен угуп билген эле билбегенибиз канча”.
