Пакистанга барган кыргызстандык дааватчыдан коронавирус аныкталды

23-март, 12:52

6 153 ᠌ ᠌ ᠌ ᠌᠌ ᠌ ᠌᠌

Пакистанда кыргызстандык жарандан коронавирус илдети аныкталды. Бул тууралуу тышкы иштер министрлиги кабарлады.

Маалыматка караганда, 22-мартта 1963-жылы туулган кыргыз жараны бул илдетти жуктуруп алганы тастыкталган. Алдын ала маалыматтарга караганда, ал башка дагы 4 мекендеши менен Пакистанга дааватка барган.

ТИМдин маалыматына боюнча, жогоруда айтылган жарандар консулдуктун каттоосуна турган эмес, жардам сурап элчиликке кайрылган эмес. Учурда коронавирусту жуктуруп алган жаран Исламабаддагы госпиталга жаткырылды, аны менен чогуу жүргөн калган төрт кыргызстандык карантинге алынды.