Жыргалбек Турускулов: “Абал курчуп кетсе шайлоону жылдырууга туура келет”
“Республика – Ата Журт” фракциясынын лидери менен маек...
-- Жыргалбек Күрүчбекович, “коронавируска байланыштуу 12-апрелде өтүүчү жергиликтүү кеңештерге шайлоолорду кийинкиге жылдыра туруш керек” деген сунуштар айтылууда. Буга сиздин көз карашыңыз кандай?
-- “Көп киши чогулган иш-чараларга чектөө болсун, үйгө карантин киргизилсин, ресторандар иштебесин, той-топурлар болбосун” деген талаптар коюлуп жатат. Мектептер, бала бакчалар жабылууда. Ырас, ошончолук чектөө киргизилип жаткан соң, саясый иш-чаралар да чектелгени туура болот го. Себеби, шайлоо да бул массалык иш-чара. Шаардык кеңештерге шайлоого канчалаган киши келип, депутаттарды шайлайт. Ошондуктан мен ойлойм, эгер абал курчуп кетсе, шайлоону жылдырыш керек.
-- Анда саясый партиялар жергиликтүү шайлоолордо күчүн сынап, өз дараметин аныктап алуу мүмкүнчүлүгүнөн ажырап калышат турбайбы?
-- Эң биринчи адамдын ден соолугу да, туурабы? Шайлоо, мүмкүнчүлүк деген нерселерди экинчи планга коюп туруш керек.
"Азия Ньюс" гезити