Акыркы кабарлар
» Коом » Той, тажияны чектөө талкууланып, 100-150 миң сомдук айып пул тууралуу айтылууда
Той, тажияны чектөө талкууланып, 100-150 миң сомдук айып пул тууралуу айтылууда
28-февраль, 12:06
Той-аш жана маркумду узатуу зыйнатына салынган тыюуларга баш ийбегендерге 150 миң сомго чейин айып пул салуу сунушталды.
Мындай пикирлер бүгүн "Үлпөт той, маараке-салтанаттарын, көмүү ырым-жырымдарын жана маркумдун элесине арналган иш-чараларды өткөрүүнү тартипке келтирүү жөнүндө" мыйзам долбоору боюнча коомдук талкууда айтылды.
Талкуунун катышуучуларынын бири, өнөрпоз Талант Анарбаев аз айып салуу менен маселе чечилбей турганын айтып, 100-150 миң сомго чейин киргизүүнү сунуштады.
Ушундай эле демилгени дагы бир катышуучу, Жалал-Абад облусу боюнча ардагерлер кеңешинин төрагасы Эрмамат Кожокматов дагы колдоду.
Жогорку Кеңештин депутаты Айбек Маткеримов да учурдагы кодекс боюнча эң жогорку айып деп саналган 20 миң сом жарабай турганын айтты.
