Кемелбек Ашыралиев качан аксакал болот?
Убагында Атамбаевди колдоп, “Бакиевдин заманында Акүй галош жыттанып кеткен” деп артынан жамандап, Соке келгенде “атасынын казаны майлуу болчу” деп ага жагынып жүргөн Кемелбек Ашыралиев шайлоонун жыйынтыктарына нааразы болгон оппозициялык партиялардын талабын “туура эмес” деп бийликке жан тартып, жагынып турган кези. Анын бетине кармаганы Мирлан Самыйкожо экен. Мирлан Самыйкожо такымын жеген тамада экени ырас, бирок ал саясатчы эмес, жыргатып деле мыйзам жазып, бийликке каршы каш кайрып, элдин таламын талаша албайт. Аны билбеген эл сайраган тамаданын бал тилине ишенип, колдоп коюшту окшойт. Ошон үчүн Кемелбек Ашыралиев эптеп эле бийликке жагынган сөздү айтпай, чоң саясаттын казанында кайнаган аксакал катары элдин, өлкөнүн кызыкчылыгын көздөгөн калыс сөзүн айтып жүрсө туура болмок.
"Азия Ньюс" гезити
