Акыркы кабарлар
» Коом » Коронавирус жуктургандар арасында 6 айдан 14 жашка чейинки балдар бар
Коронавирус жуктургандар арасында 6 айдан 14 жашка чейинки балдар бар
12-январь, 11:57
Жугуштуу оорулардын республикалык клиникасынын жетекчиси Гүлжигит Аалиевдин маалыматына караганда, соңку жумада дарыгерлерге кайрылгандардын саны үч эсеге көбөйдү.
“Өткөн жумаларда эле биздин ооруканага күнүнө 20-25 киши кайрылып аткан болсо, азыр 75-80ге чейин көбөйүп, алардын теңи ооруканада жатып дарыланууга өтүүдө. Коронавируска чалдыккандардын көбү орто курактан өйдө жашагандар, вакцина албагандар. Мындан сырткары, кичине балдар да бар. Алардын эң кенжеси 6 айлык наристе” деди Гүлжигит Аалиев.
Жугуштуу оорулардын республикалык клиникасында 100дөн ашык медицина кызматкери иштеп жатат, алардын 20дан ашыгы дарыгерлер.
Саламаттыкты сактоо министрлигинин маалыматына караганда, 12-январга карата вирус жуктургандардын саны 465ке чыкты. Бул акыркы бир нече айдагы эң чоң көрсөткүч.
