Балалуу келинден уулумду кантип ажыратам?

16-сентябрь, 12:00

1 057 ᠌ ᠌ ᠌ ᠌᠌ ᠌ ᠌᠌

Менин төрт балам бар. Күйөөм 2015-жылы кан басымы көтөрүлүп каза болуп калган. Улуу балам 23 жашка чыкты. Өзү менен тең бир балалуу келин менен сүйлөшүп жүрөт. Балам “ошол келинди алып бересиң, болбосо Украинадагы согушка кетип, өлүп калам” деп коркутуп, айтпаган сөзү калбады. Экөөнү жашатып да көрдүм. Келечектери жок, маанисиз жашоолору кейитет.

Балам Москвада таксист болуп иштеп, жакшы эле акча табат. Бир күндө 4-5 миң рубль табарын айтып калат. Бирок келин кечке баламды жамандайт, “иштебейт, жалкоо, уктайт” дейт. “Акчаны мен табам, оокат ашыбызга өзүмдүн апам жардам берет” деп какшанат. Бирди эки кыла албаган, баламды жамандаган бул келинден эмне жакшылык күтөм? Андан баламды кантип ажыратам?