Зынага баргандардын, никесиз төрөгөн кыз-келиндердин заманыбы?
Чоң күнөөлөрдүн бири бул – зына. Башкача айтканда, никесиз эркек болсун же аял болсун, алардын никесиз ойнош болуусу “зына” деп аталат. Азыркы убакта биздин эл Европаны ээрчип, өзүнүн адамдык асыл сапаттарын жоготууда. Сырттан жалтырап көрүнгөнү менен Европа зына боюнча алдыда. Алар үчүн зына кылуу жөнөкөй көрүнүштөрдүн бири болуп калды. Башкача айтканда, бири-биринин көзүнө жакшы көрүнүшсө эле жыныстык катнашта болуп, андан кийинчерээк дагы бирөөнү жактырып калса, дагы эле бул абал кайталанып турат. Европада үй-бүлө куруп, бир эркек менен, же бир аял менен жашайын дегендер жокко эсе. Алардын бул маданиятын кыргыз эли да өзүнө акырындан кабыл алып жашап жаткандарына күбө көрүп жүрөбүз. Акыркы убакта ошол балээнин зыяндары шаарда болсун, айылда болсун кездешпей койбойт. “Өзүм үчүн төрөп алам” деп үй-бүлө жоопкерчилигинен качып, никесиз төрөгөн кыз-келиндердин көбөйгөнү кейиштүү.
Aryba.kg
