Мигрант айымдарга арналган китеп жарыкка чыкты
“Роза Отунбаеванын демилгелери” эл аралык коомдук фонду “Мекенге мээримин арнаган аялзаты” аттуу китеп чыгарды. Кыргыз тилиндеги китептин автору Абдыжапар Нурдинов.
Китепте бөтөн жер, бейтааныш элдин арасында мигрант катары өмүр сүрүп, ак эмгеги менен ийгилик жаратып, коомдун өнүгүүсүнө салымын кошкон 21 айымдын өмүр таржымалы, ишмердиги тууралуу очерк-баяндар камтылган.
Китеп “Коомчулукту инклюзивдүү жана тынчтык жолу менен өнүктүрүүдө миграцияга дуушар болгон аялдардын жана кыздардын укуктарын жана мүмкүнчүлүктөрүн кеңейтүү” долбоорунун алкагында жарык көрдү.
Долбоор БУУнун “Тынчтыкты куруу” фондунун каржылык колдоосунда “Роза Отунбаеванын демилгелери” эл аралык коомдук фонду БУУнун миграция боюнча эл аралык уюму, БУУ – аялдар жана эл аралык эмгек уюму менен биргеликте ишке ашырган.
Бул китеп “Роза Отунбаеванын демилгелери” эл аралык коомдук фонду үзгүлтүксүз чыгарып келаткан “Мекендештер” сериясындагы кезектеги басылма болуп саналат.
